Ömrümdə-günümdə xatirə qaldın.
Sən üzüdönükdən qəlbim sınsa da,
Dəymədim sevgimin xətrinə, qaldın.
Düzlərdən çəkilib, dağdan itmişik,
Ormandan, çəməndən, bağdan getmişik.
Hərəmiz bir cürə tərslik etmişik,
Sən çoküb güllərin ətrinə, qaldın.
Səni çox sevirdim, gülüm, özündən,
Nələr itirmədim sənin üzündən?!
Sən məndən ayrıldın, mən yer üzündən,
Hopdun nəğmələrin sətrinə, qaldın.
Sentyabr, 2007
