Bu payız yağışı durmadan yağır,
Ötən illərimi andırmaq üçün.
Sevdalı günləri yadıma salır,
Qəlbimi yenidən yandırmaq üçün.
Bir dünya sevgimiz yeləmi döndü,
Bizi ayrı salan vaxta nə deyim.
Eşqin gur ocağı qaralıb söndü,
Taleyə nə deyim, baxta nə deyim?
Alın yazımızı Tanrıdı yazan,
Dünya bir kimsəni vecinə almır.
Həsrətə dözməyi kim sanır asan,
Ha yalvar, ürəkdə təpər də qalmır.
Bu payız yağışı yağır ömrümə,
Bir də o günlərə qayıtmarıq biz.
Bir sevgi həsrəti yağır qəlbimə,
Hicran ağrısını unutmarıq biz.
Sevdalı günləri yadıma salır,
Qəlbimi yenidən yandırmaq üçün.
Bir dünya sevgimiz yeləmi döndü,
Bizi ayrı salan vaxta nə deyim.
Eşqin gur ocağı qaralıb söndü,
Taleyə nə deyim, baxta nə deyim?
Alın yazımızı Tanrıdı yazan,
Dünya bir kimsəni vecinə almır.
Həsrətə dözməyi kim sanır asan,
Ha yalvar, ürəkdə təpər də qalmır.
Bu payız yağışı yağır ömrümə,
Bir də o günlərə qayıtmarıq biz.
Bir sevgi həsrəti yağır qəlbimə,
Hicran ağrısını unutmarıq biz.
Bakı, Yasamal, avqust,1994
